काठमाडौं । अखिल नेपाल फुटबल संघ एन्फाको कार्यसमिति बैठक आज बस्दैछ । ललितपुरको सातदोबाटोस्थित एन्फा कम्प्लेक्समा बैठक बिहान साढे ११ बजे सुरु हुनेछ । यसअघि भर्चुअल रुपमा बैठक गर्ने भनिएपनि अनित्म समयमा भौतिक रुपमै बैठक बोलाईएको हो ।
उपाध्यक्षसहित केहि सदस्यले विरोध जनाएपछि एन्फा नेतृत्वले भौतिक रुपमा बैठक गर्न लागेको हो । बैठकमा विभिन्न एजेण्डामा छलफल हुने बताईएको छ।
यस्तै वित्तीय निर्देशक निरञ्जन शाहले गरेको भनिएको आर्थिक हिनामिनाको छानविन प्रतिवेदन उपाध्यक्ष बिर बहादुर खड्काले प्रस्तुत गर्ने तालिका रहेको बुझिएको छ । यसअघि पुस २२ गते बसेको कार्यसमिति बैठकले एन्फाको निर्वाचन अगि जेठको १५ गते गर्ने निर्णय गरेको थियो।