एजेन्सी । डेभिड वार्नरले शतक तथा एरोन फिन्च र ग्लेन म्याक्सवेलले अर्धशतक बनाएपछि श्रीलंकाबिरुद्धको पहिलो टी–२० क्रिकेटमा अष्ट्रेलियाले २ सय ३४ रनको बिशाल चुनौती प्रस्तुत गरेको छ । एडिलेडमा टस जितेको श्रीलंकाले फिल्डिङ रोजेपछि ब्याटिङमा उत्रिएको कंगारु टोलीले निर्धारित ओभरमा २ विकेट गुमाउदै २ सय ३३ रनको उच्च योगफल तयार पार्यो । वार्नरले ५६ वलमा ४ छक्का र १० चौकाको मद्धतमा नटआउट १ सय रन बनाए । एरोन फिन्चले ६४ र ग्लेन म्याक्सवेलले ६२ रन जोडे ।
श्रीलंकाका ल्याक्सन सन्दाकान र दासुन सनाकाले समान एक विकेट लिए । अष्ट्रेलिया भ्रमणका क्रममा श्रीलंकले घरेलु टोलीसंग ३ म्याचको टी–२० सिरिज खेल्नेछ । घरेलु मैदानमा हुने टी–२० विश्वकपको तयारीका लागि तयारी तिब्र पारेसंगै अष्ट्रेलियाले बिभिन्न राष्ट्रसंगको टी–२० सिरिजलाई पनि निरन्तरता दिएको हो ।
