ताप्लेजुङ । डिफेण्डिङ च्यामिपयन रेड स्टार क्लब बिर्तामोड, ताप्लेजुङमा जारी चौथो पाथीभरा गोल्डकप फुटबलको सेमिफाइनलमा प्रबेश गरेको छ । आज भएको अन्तिम क्वार्टरफाइनलमा अर्को झापाली क्लब गोर्खा स्पोर्टिङलाई १–० ले हराउदै रेड स्टारले अनितम चारको यात्रा तय गरेको हो । रेड स्टारको जितमा खेलको ५२ औ मिनेटमा योगेश गुरुङको गोल निर्णायक बन्यो ।
प्रतिस्पर्धात्मक खेलमा दुबै टोली राष्ट्रिय प्रतियोगिता खेलिसकेका खेलाडीसहित मैदान उत्रिएका थिए । खेलमा रेड स्टारका गोल रक्षक विवस चौधरी म्यान अफ दि म्याच घोषित भए । उनले ५ हजार नगद हात पारे । १ विदेशी सहित १० टोली सहभागी गोल्डकपमा भोलीबाट सेमिफाईनल चरणका खेल सुरु हुनेछन् ।
