Logo

म्यानचेष्टर सिटी युनाईटेडसंग पराजित

ई-खेलकुद २०७७ फागुन २४ , सोमबार ०६:०३ मा प्रकाशित

एजेन्सी । प्रिमियर लिग लिडर म्यानचेष्टर सिटीको २१ खेल लामो अपराजित यात्रामा पुर्णबिराम लागेको छ । २८ औ चरणको खेलमा सिटी शहरी प्रतिद्धन्दी म्यानचेष्टर युनाईटेडसंग २–० ले पराजित भएको हो । सिटीको मैदान ईतिहाद स्टेडियममा युनाईटेडलाई जिताउन बुर्नो फर्नाण्डेज र लुक सँ ले गोल गरे । दोस्रो मिनेटमै फर्नाण्डेजले पेनाल्टिमा गोल गर्दै युनाईटेडलाई अग्रता दिलाएका थिए । ५० औ मिनेटमा सँ ले मार्कुस रासफोर्डको पासमा गोल गर्दै टोलीको अग्रता दोब्बर पारे । युनाईटेडमाथी केहि दबाव बनाएपछि सिटीले पाएका अवसर खेर फाल्दा हार भोग्न बाध्य भयो । यो संगै सिटीको २१ खेल लामो अपराजित यात्रामा पुर्णबिराम लागेको छ । यद्यपी सिटी तालिकाको शीर्ष स्थानमा कायम छ । २८ खेलबाट उसको ६५ अंक भएको छ ।
यो जितले युनाईटेडलाई ५४ अंकमा तालिकाको दोस्रो स्थानमा पुर्याएको छ । गएराती नै फुल्ह्यामले लिभरपुलाई १–० गोल अन्तरले स्तब्ध पार्यो । यो जितले फुल्ह्यामलाई रेलिगेशन क्षेत्रबाट माथी उठ्न बल पुर्याएको छ ।
टटनह्यामले क्रिष्टल प्यालेसलाई ४–१ गोल अन्तरले स्तब्ध पार्यो । यो जितले टटनह्यामलाई ४५ अंकमा तालिकाको छैठौ स्थानमा पुर्याएको छ । गएराती नै वेष्टब्रोम र न्यु क्यासल युनाईटेडले गोलरहित बराबरी खेल्दै अंक बाँडेका छन् ।

प्रिमियर लिग म्यानचेष्टर सिटी

सम्बन्धित खवर

लोकप्रिय छुटाउनुभयो कि ?