एजेन्सी । युएईमा जारी टि–१० क्रिकेट लिगमा नेपाली लेगस्पिनर सन्दिप लामिछानेआबद्ध कर्नाटका टस्कर्सले दिल्ली बुल्ससंग प्रतिस्पर्धा गर्दैछ । आबुदाबीस्थित शेख जियाद अन्तराष्ट्रिय क्रिकेट मैदानमा नेपाली समयानुसार राती साडे ७ बजे यी २ टोलीबिचको प्रतिस्पर्धा सुरु हुनेछ । हासिम अम्ला कमानीको कर्नाटकाले सन्दिपलाई पहिलो खेलमै मैदान उतार्ने संभावना छ । टोलीमा अधिकांश खेलाडी ब्याट्सम्यान रहेकाले बलरका रुपमा सन्दिपले प्लेईङ सेटमा सहज रुपमा स्थान बनाउने अनुमान छ ।
यसअघि नेपाली टोलीका पुर्बकप्तान पारस खड्काले गएराती टिम आबुदाबीबाट अन्तराष्ट्रिय फ्रेन्चाईज क्रिकेटमा डेब्यु गरेका थिए ।
