काठमाण्डौ । विश्वकप फुटबलको दोस्रो चरणको छनोट अन्तर्गत कुवेतबिरुद्धको खेलका लागि नेपाली टोली आज त्यसतर्फ गएको छ । प्रतियोगिता खेल्ने नेपाली टोली आज बिहान युएई हुदै त्यसतर्फ उडेको अखिल नेपाल फुटबल संघ एन्फाका प्रबक्ता किरण राईले जानकारी दिनुभयो । २३ सदस्सीय टोली र पदाधिकारीको टोली विश्वकप छनोटको पहिलो खेल खेल्न कुवेत उडेका हुन् ।
दोस्रो चरणको छनोट अन्तरर्गत पहिलो खेलमा बिहिबार नेपालले कुवेतसंग प्रतिस्पर्धा गर्नेछ । समुह बीमा रहेको नेपालले कुवेतसंग अवे खेल खेल्दै विश्वकप छनोटको सुरुवात गर्न लागेको हो । समुह बीमा रहेको नेपालले छनोटमा कुवेतसंगै चाईनिज ताईपेई, जोर्डन र अष्ट्रेलियासंग होम एण्ड अवेका आधारमा प्रतिस्पर्धा गर्नेछ ।
